விஜய்க்கு 'கில்லி', விஜய்சேதுபதிக்கு 'றெக்க'. பிரஸ்மீட்டில் ரத்தினசிவா பேச்சு
- IndiaGlitz, [Tuesday,September 27 2016]
விஜய்சேதுபதி, லட்சுமிமேனன் நடிப்பில் ரத்தினசிவா இயக்கியுள்ள 'றெக்க' படத்தின் பாடல்கள் சமீபத்தில் வெளியாகி ஹிட்டாகியுள்ள நிலையில் சற்று முன்னர் இந்த படத்தின் பிரஸ்மீட் சென்னையில் நடைபெற்றது.
இந்த பிரஸ்மீட்டில் பேசிய தயாரிப்பாளர் காமன்மேன் புரடொக்ஷன்ஸ் கணேஷ், "இந்த படத்தை தயாரித்ததில் தனக்கு நல்ல அனுபவம் கிடைத்ததாக கூறியுள்ளார்.
காஸ்ட்யூம் டிசைனர் என்.ஜே.சத்யா பேசியபோது, 'இந்த படத்தின் தயாரிப்பாளர் கணேஷ் தனக்கு முழு சுதந்திரம் கொடுத்திருந்ததாகவும், அவர் கொடுத்த சுதந்திரம்தான் விஜய்சேதுபதியை ஸ்டைலிஷாக ஆக்கும் முயற்சியில் வெற்றி கிடைத்துள்ளதாகவும் கூறினார். அதேபோல் விஜய்சேதுபதி அண்ணாவும் தனக்கு முழு சுதந்திரம் கொடுத்ததற்காக நன்றி தெரிவித்து கொள்வதாகவும் கூறினார்.
இந்த பிரஸ்மீட்டில் பேசிய விஜய்சேதுபதி, 'இந்த படத்தில் முக்கிய வேடத்தில் நடித்துள்ள ஹரீஷ் உத்தமன் விரைவில் ஹீரோவாக நடிக்க வேண்டும் என தான் ஆசைப்படுவதாகவும், இந்த படத்தில் நடித்த ஒவ்வொருவரும் மிகப்பெரிய அளவில் திரையுலகில் முன்னேற வேண்டும் என தான் விரும்புவதாகவும் தெரிவித்தார்.
மேலும் இயக்குனர் ரத்தினசிவா பேசியபோது, 'விஜய்க்கு ஒரு கில்லி'போல், விஜய்சேதுபதிக்கு 'றெக்க' படம் இருக்கும் என்று கூறினார்.