மக்கள் செல்வன் விஜய்சேதுபதிதான் இன்றைய கோலிவுட் வெற்றி நாயகனின் ஒருவராக உள்ளார். அவர் நடித்த 'செக்க சிவந்த வானம்', 'இமைக்கா நொடிகள்', '96' ஆகிய மூன்று படங்களும் ஹாட்ரிக் வெற்றியை பெற்றுள்ளது. அதேபோல் 'சூப்பர் டீலக்ஸ்' மற்றும் 'சீதக்காதி' ஆகிய படங்கள் இந்த ஆண்டுக்குள் வெளிவர வாய்ப்பு உள்ளது.

மேலும் சூப்பர் ஸ்டார் ரஜினியுடன் 'பேட்ட' மற்றும் மெகா ஸ்டார் சிரஞ்சீவியுடன் 'நரசிம்மரெட்டி' ஆகிய படங்களிலும் நடித்து முடித்துள்ளார். இந்த நிலையில் விஜய்சேதுபதி நடிக்கவுள்ள அடுத்த படத்தின் அறிவிப்பு வெளியாகியுள்ளது.

இளம் இசைஞானி யுவன்ஷங்கர் ராஜாவின் ஒய்.எஸ்.ஆர் பிலிம்ஸ் தயாரிப்பில் சமீபத்தில் வெளிவந்த 'பியார் பிரேமா காதல்' படத்தின் வெற்றியை அடுத்து இந்த நிறுவனம் தயாரிக்கும் அடுத்த படத்தில் விஜய்சேதுபதி நடிக்கவுள்ளார். இந்த படத்தை இயக்குனர் சீனுராமசாமி இயக்கவுள்ளார். இன்று நடைபெற்ற இந்த படத்தின் பூஜையில் இசைஞானி இளையராஜா, யுவன்ஷங்கர்ராஜா, விஜய்சேதுபதி உள்ளிட்ட பலர் கலந்து கொண்டனர்.

இந்த படத்தில் நடிக்கும் மற்ற நட்சத்திரங்கள் மற்றும் தொழில்நுட்ப கலைஞர்கள் குறித்த அறிவிப்பு விரைவில் வெளிவரவுள்ளது.

Delighted to announce that #YSRFilmsNext #ProductionNo2 will start rolling from December 2018 ??

Isaignani #Ilaiyaraaja @thisisysr @irfanmalik83 @seenuramasamy @VijaySethuOffl @U1Records @Rajarajan7215 pic.twitter.com/IMC2KRw2yu

— YSR Films (@YSRfilms) October 22, 2018