விஜய் சேதுபதி நடிப்பில் பொன்ராம் இயக்கத்தில் உருவாகி வந்த ’விஜய் சேதுபதி 46’ திரைப்படத்தின் சூப்பர் அப்டேட் ஒன்று தற்போது வெளியாகியுள்ளது.

நடிகர் விஜய் சேதுபதி நடிப்பில் முடிவடைந்த ’இடம் பொருள் ஏவல்’ ’மாமனிதன்’ ’யாதும் ஊரே யாவரும் கேளிர்’ ’காத்து வாக்குல ரெண்டு காதல்’ உள்பட ஒரு சில படங்கள் ரிலீசுக்கு தயாராக இருக்கும் நிலையில் தற்போது அவர் நடித்து வந்த மற்றொரு திரைப்படமான ’விஜய் சேதுபதி 46’ திரைப்படத்தின் படப்பிடிப்பு முடிவு பெற்றதாக தகவல்கள் வெளியாகியுள்ளன. இதனை அடுத்து இந்த படத்தின் போஸ்ட் புரடொக்ஷன் பணிகள் விரைவில் தொடங்கும் என்றும் இந்த படத்தின் ரிலீஸ் தேதியும் விரைவில் அறிவிக்கப்படும் என்று கூறப்படுகிறது.

பொன்ராம் இயக்கத்தில் விஜய்சேதுபதி நடிப்பில் உருவாகியுள்ள இந்த படத்தில் அனுகீர்த்தி வாஸ் நாயகியாக நடித்துள்ளார் என்பதும் சன் பிக்சர்ஸ் நிறுவனம் தயாரித்துள்ள இந்த படத்தில் விஜய்சேதுபதி காவல்துறை அதிகாரியாக நடித்துள்ளார் என்பதும் குறிப்பிடத்தக்கது.