3 மாதத்தில் 3 படம். உற்சாகத்தில் விஜய்சேதுபதி ரசிகர்கள்
- IndiaGlitz, [Friday,August 19 2016]
விஜய்சேதுபதி, தமன்னா நடிப்பில் இயக்குனர் சீனுராமசாமி இயக்கிய 'தர்மதுரை' திரைப்படம் இன்று வெளியாகி பாசிட்டிவ் விமர்சனங்களை பெற்று வருகிறது. மேலும் விஜய்சேதுபதி நடித்த 'ரெக்க' திரைப்படம் அக்டோபர் 2ஆம் தேதி ரிலீஸ் ஆகவுள்ளதாக வெளிவந்த செய்தியை ஏற்கனவே பார்த்தோம். இந்நிலையில் அவர் நடித்த மற்றுமொரு திரைப்படத்தின் ரிலீஸ் தேதி குறித்த தகவலும் தற்போது கிடைத்துள்ளது.
'காக்கா முட்டை' இயக்குனர் மணிகண்டன் இயக்கத்தில் விஜய்சேதுபதி, 'இறுதிச்சுற்று' நாயகி ரித்திகாசிங் நடித்த 'ஆண்டவன் கட்டளை' திரைப்படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரடொக்ஷன்ஸ் பணிகள் நடந்து வருவது தெரிந்ததே. இந்நிலையில் இந்த படத்தின் ஃபர்ஸ்ட்லுக் சற்று முன்னர் வெளியாகியுள்ளது. மேலும் இந்த படத்தின் இசை வெளியீடு தேதி விரைவில் அறிவிக்கப்படவுள்ளதாகவும், இந்த படம் வரும் செப்டம்பர் 23ஆம் தேதி ரிலீஸ் ஆக வாய்ப்பு இருப்பதாகவும் கூறப்படுகிறது. மேலும் இந்த படத்தை ஸ்ரீக்ரீன் புரடொக்ஷன்ஸ் நிறுவனம் தமிழகத்தில் வெளியிடவுள்ளது என்பது குறிப்பிடத்தக்கது.;
ஆகஸ்ட்டில் தர்மதுரை', செப்டம்பரில் 'ஆண்டவன் கட்டளை', அக்டோபரில் 'ரெக்க' என மாதம் ஒரு விஜய்சேதுபதி படம் ரிலீஸ் ஆவதால் அவருடைய ரசிகர்கள் உச்சகட்ட உற்சாகத்தில் உள்ளனர்.