விஜய் சேதுபதியின் அடுத்த படத்தின் ரிலீஸ் தேதி அறிவிப்பு!
- IndiaGlitz, [Monday,March 21 2022]
தமிழ் திரையுலகில் அதிக திரைப்படங்களில் ஒரே நேரத்தில் நடித்துக் கொண்டிருக்கும் விஜய் சேதுபதி நடித்து முடித்துள்ள திரைப் படங்கள் அடுத்தடுத்து வெளியாக உள்ளன என்ற செய்தியை பார்த்து வருகிறோம். விஜய் சேதுபதி, நயன்தாரா, சமந்தா நடிப்பில் விக்னேஷ் சிவன் இயக்கி உள்ள ’காத்துவாக்குல ரெண்டு காதல்’ ஏப்ரல் மாதத்திலும், கமல்ஹாசனுடன் விஜய் சேதுபதி நடித்துள்ள ’விக்ரம்’ திரைப்படம் ஜூன் மாதத்தில் வெளியாக உள்ளது என்பதை ஏற்கனவே பார்த்தோம்.
இந்த நிலையில் இடைப்பட்ட மே மாதத்தில் விஜய்சேதுபதி நடித்து முடித்துள்ள ’மாமனிதன்’ என்ற திரைப்படம் வெளியாக இருப்பதாக சற்றுமுன் அறிவிக்கப்பட்டுள்ளது. இந்த படத்தின் தமிழக ரிலீஸ் உரிமையை பெற்றுள்ள பிரபல நடிகர் மற்றும் தயாரிப்பாளர் ஆர்கே சுரேஷ் தனது சமூக வலைத்தளத்தில் மே 6ஆம் தேதி ’மாமனிதன்’ திரைப்படம் திரையரங்குகளில் வெளியாகும் என அறிவித்துள்ளார். மேலும் அவர் நடித்து தயாரித்த ’விசித்திரன்’ என்ற திரைப்படம் இரண்டு வார இடைவெளியில் அதாவது மே 20ஆம் தேதி வெளியாகும் என்றும் அறிவித்துள்ளார்.
ஏப்ரல், மே, ஜூன் என அடுத்தடுத்த மாதங்களில் விஜய் சேதுபதியின் அடுத்தடுத்த படங்கள் வெளியாக இருப்பதை அடுத்து அவரது ரசிகர்கள் உற்சாகத்தில் உள்ளனர்.
மாமனிதன் @seenuramasamy & மக்கள் செல்வன் விஜய் சேதுபதி @VijaySethuOffl நடிக்கும் மாமனிதன் #MAY6 முதல் உலகமெங்கும் விசித்திரன் மே #MAY20 முதல் உலகமெங்கும் ஸ்டுடியோ 9 வெளியீடு pic.twitter.com/8QGLsWZOHE
— RK SURESH (@studio9_suresh) March 21, 2022