நடிகர் விஜய் சேதுபதி நடித்த ’யாதும் ஊரே யாவரும் கேளிர்’ என்ற திரைப்படம் இன்று வெளியாகி உள்ள நிலையில் அவர் ஏற்கனவே 5 திரைப்படங்களில் நடித்து வருகிறார். இந்த நிலையில் இன்று அவர் நடிக்க இருக்கும் அடுத்த திரைப்படத்தின் பூஜை நடந்து உள்ளது.

விஜய் சேதுபதி கடந்த 2018 ஆம் ஆண்டு நடித்த திரைப்படம் ’ஒரு நல்ல நாளா பார்த்து கதை சொல்றேன்’ இந்த படத்தை ஆறுமுககுமார் இயக்கி இருந்த நிலையில் இவர்தான் விஜய் சேதுபதியின் அடுத்த திரைப்படத்தை இயக்க உள்ளார் என்று அதிகாரப்பூர்வமாக அறிவிக்கப்பட்டுள்ளது.

இந்த படத்தின் பூஜை இன்று மலேசியாவில் நடந்த நிலையில் பூஜை குறித்த புகைப்படங்கள் இணையதளங்களில் வைரல் ஆகி வருகின்றன. இந்த திரைப்படத்திற்கு ஜஸ்டின் பிரபாகரன் இசையமைக்க இருப்பதாக அறிவிக்கப்பட்டுள்ள நிலையில் மற்ற தொழில்நுட்ப கலைஞர்கள் மற்றும் இந்த படத்தில் நட்சத்திரங்கள் குறித்த அறிவிப்பு விரைவில் அறிவிக்கப்படும் என்றும் கூறப்படுகிறது.

ஏற்கனவே விஜய் சேதுபதி ’மேரி கிறிஸ்மஸ்’ ’காந்தி டாக்ஸ்’, ’மும்பைகார்’ ’ஜவான்’ மற்றும் விடுதலை இரண்டாம் பாகம் ஆகிய ஐந்து படங்களில் நடித்து வருகிறார் என்பது குறிப்பிடத்தக்கது.