மக்கள் செல்வன் விஜய்சேதுபதி கடந்த ஆண்டின் வெற்றி நாயகர்களில் ஒருவர் என்பது தெரிந்ததே. அவரது நடிப்பில் கடந்த ஆண்டு வெளியான 'இமைக்கா நொடிகள்', 'செக்க சிவந்த வானம்', '96' மற்றும் சீதக்காதி' ஆகிய திரைப்படங்கள் வெற்றிப்படங்களாக அமைந்தன. குறிப்பாக '96' திரைப்படம் அவரை உச்சத்திற்கு கொண்டு சென்றது.

இந்த நிலையில் அவர் தற்போது 'மாமனிதன்', 'சூப்பர் டீலக்ஸ்', சயிரா நரசிம்மரெட்டி' உள்பட ஒருசில படங்களில் நடித்து வருகிறார். இந்த நிலையில் 'பண்ணையாரும் பத்மினியும்', மற்றும் 'சேதுபதி' ஆகிய படங்களை இயக்கிய அருண்குமார் இயக்கத்தில் விஜய்சேதுபதி மீண்டும் இணையவுள்ளார் என்று வெளிவந்த செய்தியை ஏற்கனவே பார்த்தோம்.

தற்போது இந்த படத்தின் டைட்டிலுடன் கூடிய ஃபர்ஸ்ட்லுக் விஜய்சேதுபதியின் பிறந்த நாளான இன்று மாலை 6 மணிக்கு வெளியாகவுள்ளதாக அறிவிக்கப்பட்டுள்ளது. இந்த தகவலை விஜய்சேதுபதி தனது சமூக வலைத்தளத்தில் உறுதி செய்துள்ளார்.

விஜய்சேதுபதியுடன் அஞ்சலி நடிக்கவுள்ள இந்த படத்திற்கு யுவன்ஷங்கர் ராஜா இசையமைக்கவுள்ளார்.

My next film First Look Poster releasing tomorrow at 6pm#VijaySethupathi26

An #SuArunkumar Film | A @thisisyr musical |@yoursanjali @Rajarajan7215 @VANSANMOVIES @irfanmalik83 @mounamravi@CtcMediaboy pic.twitter.com/0qUhKxOyYa

— VijaySethupathi (@VijaySethuOffl) January 15, 2019