ஆயுதபூஜை ரேசில் இணைந்த விஜய்சேதுபதி படம்
- IndiaGlitz, [Wednesday,August 17 2016]
வரும் ஆயுதபூஜை விடுமுறை தினமான அக்டோபர் 7ஆம் தேதி சிவகார்த்திகேயன், கீர்த்திசுரேஷ் நடிப்பில் பாக்யராஜ் கண்ணன் இயக்கிய 'ரெமோ' உள்பட ஒருசில படங்கள் ரிலீஸ் ஆகவுள்ள நிலையில் இந்த ரேசில் தற்போது விஜய்சேதுபதி நடித்த 'ரெக்க' படமும் இணைந்துள்ளது.
'ரெக்க' படத்தின் ரிலீஸ் உரிமையை பிரபல நிறுவனமான சிவபாலன் பிக்சர்ஸ் பெற்றுள்ளதாக தகவல்கள் வெளிவந்துள்ளது. இந்த தகவலை சிவபாலன் பிக்சர்ஸ் சமூக இணையதளமும் உறுதி செய்துள்ளது. மேலும் இந்த படம் அக்டோபர் 7ஆம் தேதி ரிலீஸ் என்று அதிகாரபூர்வமாக இந்நிறுவனம் அறிவித்துள்ளது. ஏற்கனவே விஜய்சேதுபதியின் 'தர்மதுரை' வரும் 19ஆம் தேதி ரிலீஸ் ஆகவுள்ள நிலையில் சுமார் இரண்டு மாத காலத்திற்குள்ளேயே இன்னொரு விஜய்சேதுபதி படம் ரிலீஸ் ஆகவுள்ளது என்பது குறிப்பிடத்தக்கது.
ரத்தினசிவா இயக்கத்தில் உருவாகி வரும் 'ரெக்க' படத்தில் விஜய்சேதுபதி, லட்சுமிமேனன், கிஷோர், கபீர்சிங், ஹரிஷ் உத்தமன், சதீஷ் மற்றும் கே.எஸ்.ரவிகுமார் உள்பட பலர் நடித்து வருகின்றனர். டி.இமான் இசையமைத்து வரும் இந்த படத்தை காமன்மேன் புரடொக்ஷன்ஸ் நிறுவனம் தயாரித்து வருகிறது.