நடிகர் விஜய் சேதுபதி நடித்த மூன்று திரைப்படங்களை அடுத்தடுத்த இயக்கிய இயக்குனரின் அடுத்த படத்தில் நடிக்கும் ஹீரோ மற்றும் ஹீரோயின் யார் என்பது குறித்த தகவல் தற்போது வெளியாகியுள்ளது.

விஜய் சேதுபதி நடித்த ’பண்ணையாரும் பத்மினியும்’ ’சேதுபதி’ மற்றும் ‘சிந்துபாத்’ ஆகிய படங்களை இயக்கியவர் இயக்குனர் அருண்குமார். இவர் தற்போது ஒரு புதிய படத்தை இயக்கி வருகிறார் என்றும் இந்த படத்தின் படப்பிடிப்பு விறுவிறுப்பாக நடைபெற்று வருகிறது என்றும் செய்தி வெளியாகியுள்ளது.

இந்த படத்தில் நாயகனாக சித்தார்த் நடித்து வருவதாகவும் நாயகியாக பிரபல மலையாள நடிகை நிமிஷா சஜயன் நடித்து வருவதாகவும் தகவல்கள் வெளியாகியுள்ளன. நிமிஷா சஜயன், பகத் பாசில் நடித்த ’மாலிக்’ மற்றும் ’தி கிரேட் இந்தியன் கிட்சன்’ உள்பட பல பல மலையாள திரைப்படங்களில் நடித்தவர் என்பதும், தற்போது அவர் தமிழுக்கு அறிமுகமாகிறார் என்பதும் குறிப்பிடத்தக்கது.

இந்த படம் குறித்த அதிகாரப்பூர்வ அறிவிப்பு இன்னும் ஒரு சில நாட்களில் வெளியாகும் என எதிர்பார்க்கப்படுகிறது.