ஆயுதபூஜை ரேஸில் இணைந்த விஜய்சேதுபதி படம்
- IndiaGlitz, [Monday,July 18 2016]
2016ஆம் ஆண்டு அக்டோபர் 7ஆம் தேதி அன்று ஆயுதபூஜை விடுமுறை நாளில் ஏற்கனவே சிவகார்த்திகேயனின் பெரும் எதிர்பார்ப்புக்குரிய 'ரெமோ' படமும், ஜீவா, காஜல் அகர்வாலின் 'கவலை வேண்டாம்' படமும் ரிலீஸ் ஆவதாக அறிவிக்கப்பட்டுள்ளது. இந்நிலையில் இந்த ரேஸில் தற்போது விஜய்சேதுபதி படமும் கலந்து கொண்டுள்ளது.
விஜய்சேதுபதி நடித்த 'ரெக்க' திரைப்படம் கடந்த சில மாதங்களாக படப்பிடிப்பு மற்றும் போஸ்ட் புரடொக்ஷன்ஸ் பணிகள் நடந்து வந்த நிலையில் தற்போது ரிலீஸ் தேதி குறித்த அறிவிப்பு வெளிவந்துள்ளது. அதே அக்டோபர் 7ஆம் தேதி இந்த படத்தை ரிலீஸ் செய்ய படக்குழுவினர் முடிவு செய்துள்ளனர்.
முதல்முறையாக விஜய்சேதுபதியுடன் லட்சுமி மேனன் ஜோடி சேருவதால் இந்த படத்திற்கு எதிர்பார்ப்பு மிகவும் அதிகரித்துள்ளது. மேலும் 'வேதாளம்' வில்லன் கபீர்சிங், ஹரீஷ் உத்தமன், சதீஷ், கே.எஸ்.ரவிகுமார் மற்றும் பலர் நடித்துள்ள இந்த படத்தை ரத்தினசிவா இயக்கியுள்ளார். இந்த படத்திற்கு டி.இமான் இசையமைத்துள்ளார். 'தர்மதுரை' ஆகஸ்ட் மாதம் ரிலீஸ் ஆகவுள்ளது என்பது குறிப்பிடத்தக்கது.