கமல், சிவகார்த்திகேயனை அடுத்து முதன்முதலாக ரிஸ்க் எடுக்கும் விஜய்சேதுபதி
- IndiaGlitz, [Tuesday,September 12 2017]
கோலிவுட் திரையுலகில் இதுவரை பெண் வேடத்தில் நடிக்காத நாயகர்களே இல்லை என்று கூறலாம். எம்ஜிஆர், சிவாஜி, ரஜினி, கமல் முதல் சிவகார்த்திகேயன் வரை பலர் பெண் வேடம் போட்டாலும், பெண் வேடம் என்றால் அனைவருக்கும் ஞாபகம் வருவது அவ்வை சண்முகி கமல்ஹாசனும், ரெமோ சிவகார்த்திகேயனும்தான்.
காமெடிக்காக இல்லாமல் கதைக்காக சீரியஸாக பெண் வேடம் போட்டதால் இந்த இரண்டு கேரக்டர்களும் மனதில் நிற்கின்றன. பெண் வேடத்தில் ஒரு பெரிய ரிஸ்க் உள்ளது. மேக்கப்பிலோ மேனரிசத்திலோ கொஞ்சம் தவறினாலும் அது காமெடியாகிவிடும்
இந்த நிலையில் கமல், சிவகார்த்திகேயனை அடுத்து இந்த ரிஸ்க்கை எடுத்திருப்பவர் விஜய்சேதுபதி. 'ஆரண்யகாண்டம்' படத்தை இயக்கிய தியாகராஜன் குமாரராஜா இயக்கவுள்ள அடுத்த படத்தில் விஜய்சேதுபதி முக்கிய வேடத்தில் நடிப்பது தெரிந்ததே. இந்த படத்தில் ஷில்பா என்ற பெண் கேரக்டரில் விஜய்சேதுபதி நடிப்பதாக தெரியவந்துள்ளது.
சேலை, ஜாக்கெட், கூலிங் கிளாஸ் கண்ணாடியுடன் பெண் வேடத்தில் உள்ள விஜய்சேதுபதியின் புகைப்படம் ஒன்று தற்போது இணையதளங்களில் வைரலாகி வருகிறது. விஜய்சேதுபதியின் பெண் வேட பெர்ஃபாமன்ஸ் எப்படி இருக்கின்றது என்பதை பொறுத்திருந்து பார்ப்போம்