கே.வி.ஆனந்த்-விஜய்சேதுபதியின் 'கவண்' ரிலீஸ் எப்போது?
- IndiaGlitz, [Thursday,November 24 2016]
பிரபல இயக்குனர் கே.வி.ஆனந்த் இயக்கத்தில் விஜய்சேதுபதி, டி.ராஜேந்தர் இணைந்து நடித்துள்ள 'கவண்' திரைப்படத்தின் படப்பிடிப்பு முடிவடைந்து விரைவில் ரிலீசுக்கு தயாராக உள்ளது.
இந்த படத்தின் பாடல்கள் மற்றும் டிரைலர் வரும் டிசம்பரில் வெளியாகும் என்று எதிர்பார்க்கும் நிலையில் இந்த படத்தின் ரிலீஸ் தேதி குறித்த தகவல் தற்போது வெளிவந்துள்ளது.
'கவண்' திரைப்படம் வரும் ஜனவரி 26ஆம் தேதி அதாவது குடியரசு தினத்தில் வெளியிட திட்டமிட்டுள்ளதாக நம்பத்தகுந்த வட்டாரங்களில் இருந்து தகவல்கள் வெளியாகியுள்ளது.
விஜய்சேதுபதி, டி.ராஜேந்தர், மடோனா செபாஸ்டியன், விக்ராந்த், ஜெகன் உள்பட பலர் நடித்துள்ள இந்த படத்திற்கு ஹிப் ஹாப் ஆதி இசையமைத்துள்ளார். ஏஜிஎஸ் எண்டர்டெயின்மெண்ட் நிறுவனம் இந்த படத்தை பெரும்பொருட்செலவில் தயாரித்துள்ளது.