'மாஸ்டருக்கு' பின் மீண்டும் வில்லன் அவதாரம் எடுக்கும் விஜய்சேதுபதி!
- IndiaGlitz, [Thursday,January 16 2020]
சூப்பர் ஸ்டார் ரஜினிகாந்த் நடித்த ’பேட்ட’ படத்தில் வில்லனாக நடித்த விஜய் சேதுபதி தற்போது தளபதி விஜய் நடித்து வரும் ’மாஸ்டர்’ படத்திலும் வில்லனாக நடித்து வருகிறார் என்பது தெரிந்ததே. அதுமட்டுமின்றி சுமார் ஒன்பது படங்களில் அவர் ஹீரோவாகவும் நடித்து வருகிறார் என்பதும், அந்த 9 படங்களின் படப்பிடிப்புகள் இறுதி கட்டத்தில் உள்ளது என்பதும் இந்த ஆண்டு மட்டும் அவருக்கு சுமார் 10 படங்கள் வெளியாக வாய்ப்பு உள்ளது என்பதும் குறிப்பிடத்தக்கது.
இந்த நிலையில் தற்போது தெலுங்கில் ஒரு படத்தில் வில்லனாக நடிக்க விஜய் சேதுபதி ஒப்பந்தமாகியுள்ளதாக செய்திகள் வெளியாகி உள்ளது. பிரபல தெலுங்கு பட இயக்குனர் சுகுமார் இயக்கத்தில் அல்லு அர்ஜுன் மற்றும் ராஷ்மிகா மந்தனா ஜோடியாக நடிக்க உள்ள ஒரு படத்தில் விஜய்சேதுபதி வில்லனாக நடிக்க இருப்பதாகவும் இந்த படத்தின் படப்பிடிப்பு விரைவில் தொடங்க இருப்பதாக கூறப்படுகிறது.
ஏற்கனவே சிரஞ்சீவி நடித்த ’சயிர நரசிம்ம ரெட்டி’ என்ற தெலுங்கு படத்தில் நடித்த விஜய் சேதுபதி தற்போது இந்த படத்திலும் நடிக்க உள்ளார் குறிப்பிடத்தக்கது.