ஒவ்வொரு ஆண்டும் அதிக படங்களை ரிலீஸ் செய்து வரும் நடிகர்களில் ஒருவர் மக்கள் செல்வன் விஜய்சேதுபதி. கடந்த ஆண்டு 'பேட்ட', 96' உள்பட அவர் நடித்த 7 படங்கள் வெளியானது. இந்த ஆண்டும் சமீபத்தில் அவர் நடித்த 'சூப்பர் டீலக்ஸ்' வெளியாகி நல்ல வரவேற்பை பெற்ற நிலையில் தற்போது அவருடைய அடுத்த படத்தின் ரிலீஸ் தேதி அறிவிக்கப்பட்டுள்ளது.

விஜய்சேதுபதி நடித்த 'பண்ணையாரும் பத்மினியும்' மற்றும் 'சேதுபதி' ஆகிய படங்களை இயக்கிய இயக்குனர் அருண்குமார் இயக்கத்தில் உருவாகியுள்ள 'சிந்துபாத்' திரைப்படம் வரும் மே மாதம் 16ஆம் தேதி வெளியாகவிருப்பதாக அறிவிக்கப்பட்டுள்ளது. இதனை விஜய்சேதுபதி தனது சமூக வலைத்தள பக்கத்தில் உறுதி செய்துள்ளார்.

விஜய்சேதுபதி, அஞ்சலி, லிங்கா, விவேக் பிரசன்னா மற்றும் விஜய்சேதுபதியின் மகன் சூர்யா நடிப்பில் உருவாகியுள்ள இந்த படத்திற்கு யுவன்ஷங்கர் ராஜா இசையமைத்துள்ளார். விஜய்கார்த்திக் கண்ணன் ஒளிப்பதிவில், ரூபன் படத்தொகுப்பில் உருவாகியுள்ள இந்த படத்தை கே புரடொக்சன்ஸ் நிறுவனம் தயாரித்துள்ளது.