விஜய்சேதுபதி நடித்த 'பண்ணையாரும் பத்மினியும்' மற்றும் 'சேதுபதி' ஆகிய படங்களை இயக்கிய இயக்குனர் அருண்குமார், மீண்டும் விஜய்சேதுபதி நடித்து வரும் ஒரு படத்தை இயக்கி வந்தார் என்பது தெரிந்ததே. கடந்த பொங்கல் தினத்தில் இந்த படத்திற்கு 'சிந்துபாத்' என்ற டைட்டில் உறுதி செய்யப்பட்டு அதன் ஃபர்ஸ்ட்லுக் போஸ்டரும் வெளிவந்து ரசிகர்களிடையே நல்ல வரவேற்பை பெற்றது.

இந்த நிலையில் இந்த படத்தின் படப்பிடிப்பு கடந்த சில வாரங்களாக விறுவிறுப்புடன் நடந்து வந்த நிலையில் தற்போது அடுத்தகட்டமாக இந்த படத்தின் தனது காட்சிகளுக்கான டப்பின் பணியை விஜய்சேதுபதி தொடங்கிவிட்டார். இந்த தகவலை விஜய்சேதுபதி தனது சமூக வலைத்தளத்தில் புகைப்படத்துடன் பதிவு செய்துள்ளார்.

விஜய்சேதுபதி, அஞ்சலி நடித்து வரும் இந்த படத்திற்கு யுவன்ஷங்கர் ராஜா இசையமைத்து வருகிறார். விஜய்கார்த்திக் கண்ணன் ஒளிப்பதிவில் ரூபன் படத்தொகுப்பில் உருவாகும் இந்த படம் வரும் கோடை விடுமுறையில் வெளிவரும் என எதிர்பார்க்கப்படுகிறது.