ஒரே நாளில் ரிலீஸ் ஆகும் விஜய்சேதுபதி-பிரபுதேவா படங்கள்
- IndiaGlitz, [Thursday,August 16 2018]
மக்கள் செல்வன் விஜய்சேதுபதி நடிப்பில் இந்த ஆண்டு ஏற்கனவே 'ஒரு நல்ல நாள் பார்த்து சொல்றேன்' மற்றும் 'ஜூங்கா' ஆகிய படங்கள் வெளியாகியுள்ள நிலையில் அவருடைய அடுத்த படம் வரும் 24ஆம் தேதி ரிலீஸ் ஆகவுள்ளதாக அறிவிக்கப்பட்டுள்ளது. இதே நாளில் பிரபுதேவா நடிப்பில் இயக்குனர் விஜய் இயக்கிய 'லட்சுமி' திரைப்படமும் வெளியாகவுள்ளது என்பது குறிப்பிடத்தக்கது.
விஜய்சேதுபதி தயாரிப்பில் இயக்குனர் லெனின் பாரதி இயக்கியுள்ள 'மேற்கு தொடர்ச்சி மலை திரைப்படத்தின் டிரைலர் நேற்று வெளியாகி நல்ல வரவேற்பை பெற்றுள்ளது.
அந்தோணி, காயத்ரி முக்கிய வேடங்களில் நடித்துள்ள இந்த படத்திற்கு இசைஞானி இளையராஜா இசையமைத்துள்ளார். தேனி ஈஸ்வர் ஒளிப்பதிவில் காசி விஸ்வநாதன் படத்தொகுப்பில் உருவாகியுள்ள இந்த படம் ஏற்கனவே பல சர்வதேச திரைப்பட விழாவில் திரையிடப்பட்டு பெரும் பாராட்டுக்களை பெற்றுள்ளது என்பது குறிப்பிடத்தக்கது.