திரையரங்குகளில் விஜய்சேதுபதியின் அடுத்த படம்: ரிலீஸ் தேதி அறிவிப்பு!
- IndiaGlitz, [Wednesday,August 25 2021]
தமிழகத்தில் கொரோனா வைரஸ் பாதிப்பு காரணமாக கடந்த சில மாதங்களாக திரையரங்குகள் மூடப்பட்டிருந்த நிலையில் சமீபத்தில் திரையரங்குகளை திறக்க தமிழக அரசு அனுமதி அளித்தது என்பதை ஏற்கனவே பார்த்தோம். இருப்பினும் புதிய திரைப்படங்கள் வெளியாகாததால் 80% திரையரங்குகள் திறக்கவில்லை என்றும் 20 சதவீத திரை அரங்குகளில் மட்டும் பழைய படங்கள் திரையிடப்பட்டு வருவதாகவும் கூறப்படுகிறது. ஆனால் அதே நேரத்தில் செப்டம்பர் இரண்டாவது வாரம் பல திரைப்படங்கள் ரிலீஸ் ஆக உள்ளதாக தகவல் வெளிவந்துள்ளது
அந்த வகையில் சற்று முன் வெளியான தகவலின்படி மக்கள் செல்வன் விஜய் சேதுபதி நடிப்பில் உருவான ’லாபம்’ திரைப்படம் செப்டம்பர் 9-ஆம் தேதி திரையரங்குகளில் வெளியாகும் என அதிகாரப்பூர்வமாக அறிவிக்கப்பட்டது
விஜய்சேதுபதியின் ’லாபம்’ திரைப்படம் திரையரங்குகளில் வெளியாக உள்ள அறிவிப்பு அவரது ரசிகர்களுக்கு மகிழ்ச்சியை ஏற்படுத்தி உள்ளது. விஜய் சேதுபதி ஜோடியாக ஸ்ருதிஹாசன் நடித்த இந்த படத்திற்கு இமான் இசையமைத்துள்ளார் என்பதும், விஜய் சேதுபதியின் விஎஸ்பி புரடொக்சன் நிறுவனம் இந்த படத்தை தயாரித்துள்ளது என்பதும் குறிப்பிடத்தக்கது. மறைந்த இயக்குனர் எஸ்பி ஜனநாதன் என்ற படத்தை இயக்கியுள்ளார்,