அடுத்த கட்டத்திற்கு நகர்ந்த விஜய்சேதுபதியின் 'ஜூங்கா'
- IndiaGlitz, [Tuesday,March 06 2018]
ஒவ்வொரு ஆண்டும் அதிக திரைப்படங்களில் நடித்து வருவது மட்டுமின்றி அதில் பெரும்பாலானவை ஹிட் படங்களாக கொடுத்து வரும் நடிகர் மக்கள் செல்வன் விஜய்சேதுபதி. இவர் தற்போது நடித்து வரும் படங்களில் ஒன்றான 'ஜூங்கா' திரைப்படத்தின் படப்பிடிப்பு சமீபத்தில் முடிந்தது
இந்த நிலையில் இந்த படத்தின் போஸ்ட் புரடொக்சன்ஸ் பணிகள் தற்போது தொடங்கியுள்ளது. அந்த வகையில் இன்று முதல் இந்த படத்தின் டப்பிங் பணிகள் ஆரம்பமாகியுள்ளது. இதற்கான பூஜை இன்று சென்னையில் நடைபெற்றது. இந்த பூஜையில் விஜய்சேதுபதி உள்பட படக்குழுவினர் அனைவரும் கலந்து கொண்டனர்
'இதற்குத்தானா ஆசைப்பட்டாய் பாலகுமாரா' பட இயக்குனர் கோகுல் இயக்கியுள்ள இந்த படத்தில் விஜய்சேதுபதி, சாயிஷா, மடோனா, யோகிபாபு உள்ளிட்ட பலர் நடித்துள்ளனர். பெரும்பாலான காட்சிகள் வெளிநாட்டில் படமாக்கப்பட்ட இந்த படத்திற்கு சித்தார்த் விபின் இசையமைத்துள்ளார். விஜய்சேதுபதியின் சொந்த தயாரிப்பில் உருவாகி வரும் இந்த படத்திற்கு டட்லி ஒளிப்பதிவும், சாபு ஜோசப் படத்தொகுப்பும் செய்து வருகின்றனர்.