ஒவ்வொரு ஆண்டும் சுமார் எட்டு முதல் பத்து திரைப்படங்களில் நடித்து வரும் மக்கள் செல்வன் விஜய்சேதுபதி அவர்கள் நடித்த ’சங்கத்தமிழன்’ திரைப்படம் அடுத்த மாதம் வெளியாக உள்ளது. மேலும் அவர் நடித்து முடித்துள்ள மாமனிதன் உட்பட ஒரு சில படங்கள் விரைவில் ரிலீஸ் தேதி அறிவிக்கப்படும் என எதிர்பார்க்கப்படுகிறது.

இந்த நிலையில் தற்போது அவருக்கு சுமார் எட்டு படங்களில் ஒரே நேரத்தில் நடித்து வருகிறார். அவற்றில் ’கடைசி விவசாயி’, லாபம், க/பெ ரனசிங்கம் ’தளபதி 64’ ஆகிய படங்கள் அடங்கும் என்பது குறிப்பிடத்தக்கது.

இந்த நிலையில் விஜய்சேதுபதி நடிப்பில் வெங்கடகிருஷ்ன ரோஹ்நாத் அவர்களின் இயக்கத்தில் ஒரு படத்தில் உருவாகவுள்ளது என்ற செய்தியை நாம் ஏற்கனவே பார்த்தோம். சந்திரா ஆர்ட்ஸ் நிறுவனம் தயாரித்து வரும் இந்த படம் விஜய்சேதுபதியின் 33 வது படம் என்பது குறிப்பிடத்தக்கது.

இந்த படத்தின் டைட்டில் இம்மாதம் 31 ஆம் தேதி அதாவது நாளை மாலை 5 மணிக்கு வெளியாக இருப்பதாக அறிவிக்கப்பட்டுள்ளது. இந்த படத்தில் விஜய்சேதுபதிக்கு ஜோடியாக மேகா ஆகாஷ் நடிக்க உள்ளார் என்பதும் இந்த படத்திற்கு நிவாஸ் கே பிரச்சன்னா இசையமைக்கவுள்ளார் என்பதும் குறிப்பிடத்தக்கது.