'மகாராஜா' வெற்றிக்காக இயக்குனர் நிதிலனுக்கு கிடைத்த மிகப்பெரிய பரிசு.. வைரல் புகைப்படம்..!
- IndiaGlitz, [Monday,October 07 2024]
விஜய் சேதுபதி நடித்த ’மகாராஜா’ திரைப்படம் சமீபத்தில் வெளியாகி மிகப்பெரிய வெற்றி பெற்ற நிலையில் இந்த படத்தின் இயக்குனருக்கு தற்போது மிகப்பெரிய பரிசு கிடைத்துள்ளது
விஜய் சேதுபதியின் ஐம்பதாவது திரைப்படமான ’மகாராஜா’ திரைப்படம் சமீபத்தில் வெளியாகி மிகப்பெரிய வரவேற்பை பெற்றது என்பதும் 20 கோடி ரூபாய் பட்ஜெட்டில் எடுக்கப்பட்ட இந்த படம் 100 கோடிக்கும் அதிகமாக வசூல் செய்தது என்பது குறிப்பிடத்தக்கது.
அதுமட்டுமின்றி திரையரங்கு ரிலீசுக்கு பின் இந்த படம் ஓடிடியில் ரிலீஸ் ஆன நிலையில் அதிக நபர்கள் பார்த்த தமிழ் படம் என்ற பெருமையை பெற்றது என்பது குறிப்பிடத்தக்கது.
இந்த நிலையில் ’மகாராஜா’ திரைப்படம் வெளியாகி 100 நாட்கள் ஆனதை அடுத்து இது குறித்த விழாவில் இயக்குனர் நிதிலன் சுவாமிநாதனுக்கு விஜய் சேதுபதி bmw கார் ஒன்றை பரிசளித்தார் இது குறித்த புகைப்படத்தை தனது இன்ஸ்டாகிராம் பக்கத்தில் வெளியிட்டு தனது நன்றியை நிதிலன் சுவாமிநாதன் தெரிவித்துள்ளார். இந்த புகைப்படம் தற்போது இணையத்தில் வைரல் ஆகி வருகிறது.