நாளை விஜய்சேதுபதி ரசிகர்களுக்கு ஒரு இன்ப அதிர்ச்சி
- IndiaGlitz, [Tuesday,May 31 2016]
கோலிவுட் திரையுலகின் பிசியான நடிகர் என்றால் அது விஜய்சேதுபதிதான் என்று அனைவரும் கூறும் வகையில் கிட்டத்தட்ட பத்துக்கும் மேற்பட்ட படங்களில் நடித்து வருகிறார்.
2016ஆம் ஆண்டில் விஜய்சேதுபதி நடித்த 'சேதுபதி, காதலும் கடந்து போகும்' என இரண்டு படங்கள் ஏற்கனவே ரிலீஸ் ஆகிவிட்ட நிலையில் வரும் வெள்ளியன்று அவர் நடித்த 'இறைவி' ரிலீஸ் ஆகவுள்ளது. மேலும் அவர் 'தர்மதுரை', 'ஆண்டவன் கட்டளை', 'ரெக்க', 'மெல்லிசை', கே.வி.ஆனந்த் படம், 'காத்துவாக்குல காதல்', விக்ரம் வேதா ஆகிய படங்களில் நடிக்கவுள்ளார்.
இந்நிலையில் விஜய்சேதுபதி நடிப்பில் சீனுராமசாமி இயக்கிய 'தர்மதுரை' படத்தின் டீசர் நாளை வெளியாகவுள்ளது. இந்த தகவலை TrendMusic South நிறுவனம் தனது சமூக வலைத்தளத்தில் உறுதி செய்துள்ளது. இந்த தகவல் விஜய் சேதுபதி ரசிகர்களுக்கு ஒரு இன்ப அதிர்ச்சி என்பதில் எவ்வித சந்தேகமும் இல்லை
விஜய்சேதுபதி, தமன்னா, ஐஸ்வர்யா ராஜேஷ், ஸ்ருஷ்டி டாங்கே, ராதிகா உள்ளிட்ட பலர் நடித்துள்ள இந்த படத்திற்கு யுவன்ஷங்கர்ராஜா இசையமைத்துள்ளார்.