விஜய்சேதுபதியின் 'தர்மதுரை' சென்சார் தகவல்கள்
- IndiaGlitz, [Friday,August 05 2016]
விஜய்சேதுபதி நடித்த 'தர்மதுரை' படத்தின் படப்பிடிப்பு மற்றும் போஸ்ட் புரடொக்ஷன்ஸ் பணிகள் முடிவடைந்து இம்மாதம் வெளியாகும் என தகவல்கள் வெளிவந்துள்ள நிலையில் இன்று இந்த படம் சென்சார் செய்யப்பட்டது. இந்த படத்தை பார்த்த சென்சார் அதிகாரிகள் எவ்வித 'கட்'டும் செய்யாமல் படத்திற்கு 'U' சர்டிபிகேட் அளித்துள்ளனர். இதனால் இந்த படம் தமிழக அரசின் வரிவிலக்கை பெறும் வாய்ப்பு பெற்றுள்ளது.
இந்த படத்தின் சென்சார் பணிகள் முடிவடைந்ததை அடுத்து இன்று அல்லது நாளை இந்த படத்தின் ரிலீஸ் தேதி அதிகாரபூர்வமாக அறிவிக்கப்படும் என எதிர்பார்க்கப்படுகிறது. அனேகமாக ஆகஸ்ட் 12 அல்லது 19-ல் இந்த படம் திரைக்கு வரும் என கூறப்படுகிறது.
விஜய்சேதுபதி, தமன்னா, ஐஸ்வர்யா ராஜேஷ், ஸ்ருஷ்டி டாங்கே, ராதிகா சரத்குமார், உள்ளிட்ட பலர் நடித்துள்ள இந்த படத்திற்கு யுவன்ஷங்கர் ராஜா இசையமைத்துள்ளார். சீனுராமசாமி இயக்கியுள்ள இந்த படத்தை பிரபல வில்லன் நடிகர் ஆர்.கே.சுரேஷ் தயாரித்துள்ளார்.