'தர்மதுரை' ஆடியோ ரிலீஸ் தேதி அறிவிப்பு
- IndiaGlitz, [Tuesday,July 19 2016]
விஜய்சேதுபதி, தமன்னா நடிப்பில் சீனுராமசாமி இயக்கி வந்த 'தர்மதுரை' படத்தின் படப்பிடிப்பு முடிவடைந்து போஸ்ட் புரடொக்ஷன்ஸ் பணிகளும் இறுதிக்கட்டத்தில் உள்ள நிலையில் இந்த படம் வரும் அக்டோபர் 7ஆம் தேதி ஆயுதபூஜை தினத்தில் வெளியாகும் என்ற செய்தியினை ஏற்கனவே பார்த்தோம்.
இந்நிலையில் இந்த படத்தின் இசை வெளியீடு தினம் குறித்த தகவல் அதிகாரபூர்வமாக வெளியாகியுள்ளது. இந்த படத்தின் பாடல்கள் ஜூலை 27ஆம் தேதி வெளியாகவுள்ளது. பாடல் ரிலீஸ் தேதியுடன் கூடிய போஸ்டர் தற்போது இணையதளத்தில் பதிவு செய்யப்பட்டுள்ளது என்பது குறிப்பிடத்தக்கது. யுவன்ஷங்கர் ராஜாவின் இசையில் உருவான இந்த படத்தின் பாடல்கள் மிகுந்த எதிர்பார்ப்பை ஏற்படுத்தியுள்ளன என்பது குறிப்பிடத்தக்கது.
விஜய்சேதுபதி, தமன்னா, ஐஸ்வர்யா ராஜேஷ், ஸ்ருஷ்டி டாங்கே, ராதிகா சரத்குமார், உள்பட பலர் நடித்துள்ள இந்த படத்தை பிரபல வில்லன் நடிகர் ஆர்.கே.சுரேஷ் தயாரித்துள்ளார். சுகுமார் ஒளிப்பதிவு செய்துள்ள இந்த படத்தை காசி விஸ்வநாதன் படத்தொகுப்பு செய்துள்ளார். சீனுராமசாமி இயக்கிய இந்த படத்தில் தமன்னா முதல்முறையாக மதுரை பெண்ணாக நடித்துள்ளதுடன் சொந்தக்குரலில் டப்பிங் பேசியுள்ளார் என்பது குறிப்பிடத்தக்கது.