விஜய்சேதுபதி, மடோனே செபாஸ்டியன் நடிப்பில் உருவான 'காதலும் கடந்து போகும்' திரைப்படம் இன்று உலகம் முழுவதும் பெருவாரியான திரையரங்குகளில் வெளியாகி பாசிட்டிவ் ரிசல்ட்டுக்களை பெற்று வருகிறது. இந்நிலையில் அவருடைய அடுத்த படமான 'தர்மதுரை' படத்தின் இசைவெளியீட்டு விழா விரைவில் நடைபெறவுள்ளதாக சமூக இணையதளங்களில் போஸ்டருடன் கூடிய அறிவிப்பு வெளிவந்துள்ளது.

விஜய்சேதுபதி, தமன்னா, ஐஸ்வர்யா ராஜேஷ், ஸ்ருஷ்டி டாங்கே, ஷிவேதா, ராதிகா உள்பட பலர் நடித்துள்ள இந்த படத்தை தேசிய விருது பெற்ற 'தென்மேற்கு பருவக்காற்று' படத்தின் இயக்குனர் சீனு ராமசாமி இயக்கியுள்ளார். யுவன்ஷங்கர்ராஜா இசையமைத்துள்ள இந்த படம் வரும் ஜூன் மாதம் வெளியாகும் என எதிர்பார்க்கப்படுகிறது.

இந்நிலையில் தமிழில் இந்த படம் வெற்றி பெற்றால் இந்த படத்தை இந்தியில் ரீமேக் செய்ய திட்டமிட்டிருப்பதாகவும், இந்தி ரீமேக்கில் அமீர்கானை நடிக்க வைக்க முயற்சி செய்யப்படும் என்று தயாரிப்பில் தரப்பில் இருந்து கூறப்படுகிறது.