மக்கள் செல்வன் விஜய்சேதுபதி ஒரே நேரத்தில் பல திரைப்படங்களில் நாயகன், சிறப்பு தோற்றம் மற்றும் வில்லன் வேடங்களில் நடித்துக் கொண்டிருக்கும் நிலையில் இந்த பிஸியான நேரத்திலும் அவர் தனது நண்பர்களின் படங்களின் புரமோஷனுக்கு உதவி செய்துவருகிறார்

ஏற்கனவே சமீபத்தில் வெளிவந்த 'ஓ மை கடவுளே' படத்தில் சிறப்பு தோற்றத்தில் நடித்துக் கொடுத்த விஜய்சேதுபதி அவ்வப்போது தனக்கு நெருக்கமானவர்கள் தயாரித்து இயக்கி வரும் படங்களின் புரமோஷன் நிகழ்ச்சிகளில் வருகிறார்

அந்த வகையில் தற்போது இயக்குனர் கார்த்திக் ராஜூ இயக்கத்தில் நடிகை ரெஜினா முக்கிய வேடத்தில் நடித்து வரும் படத்தின் டைட்டிலை இன்று மாலை 5 மணிக்கு விஜய் சேதுபதி தனது சமூக வலைதளத்தில் வெளியிட உள்ளார். தமிழ் தெலுங்கு ஆகிய இரண்டு மொழிகளில் உருவாகியுள்ள இந்த படத்திற்கு சாம் சிஎஸ் இசையமைத்துள்ளார்

ரெஜினாவுடன் அக்சரா கவுடா, சதீஷ் உள்பட பலர் நடித்துள்ள இந்த படத்திற்கு பிகே வர்மா ஒளிப்பதிவும் சாபு ஜோசப் படத்தொகுப்பு பணியும் செய்ய உள்ளனர். ஆப்பிள் ட்ரீ ஸ்டுடியோஸ் நிறுவனம் தயாரித்துள்ள இந்த படத்தின் படப்பிடிப்பு இறுதி கட்டத்தில் உள்ளது என்பதும் விரைவில் இந்த படத்தின் டீசர் டிரைலர் வெளியாக உள்ளது என்பதும் குறிப்பிடத்தக்கது

First look & title from today?? Thank you @VijaySethuOffl brother for releasing officially????#RajShekarVarma brother @ReginaCassandra @vennelakishore @iAksharaGowda @SamCSmusic @Pk_dop @editorsabu @SureshChandraa @vamsikaka @ProRekha @sathishoffl @sathishmsk #AppleTreeStudios pic.twitter.com/vI09Z3fNHH

— caarthick raju (@caarthickraju) March 3, 2020