முதல்படமான 'ஆரண்ய காண்டம்' படத்தின் மூலம் உலகின் கவனத்தை தனது பக்கம் திருப்பிய இயக்குனர் தியாகராஜன் குமாரராஜா. இவருடைய அடுத்த படமான 'சூப்பர் டீலக்ஸ்' படத்தின் படப்பிடிப்பு தற்போது முடிவடைந்துள்ள நிலையில் இந்த படத்தில் விஜய்சேதுபதி நடித்துள்ள சூப்பர் கேரக்டர் குறித்த தகவல் தற்போது வெளிவந்துள்ளது.

சூப்பர் டீலக்ஸ்' படத்தில் விஜய்சேதுபதி ஷில்பா என்ற திருநங்கை கேரக்டரில் நடித்துள்ளதாகவும், மிஷ்கின் இந்த படத்தில் ஒரு பாதிரியராக நடித்திருப்பதாகவும் செய்திகள் வெளிவந்துள்ளது. மேலும் இந்த படம் ஒரு டார்க் காமெடி படம் என்றும் படத்தின் ஆரம்பம் முதல் முடிவு வரை வயிறு வலிக்க சிரிக்க வைக்கும் காட்சிகள் அடங்கிய படம் என்றும் படக்குழுவினர் கூறியுள்ளார். அதுமட்டுமின்றி ஆங்காங்கே டுவிஸ்டுகள், திருப்புமுனைகளுடன் கூடிய இந்த படம் இந்த ஆண்டின் சி'றந்த படங்களில் ஒன்றாக இருக்கும் என்று படக்குழுவினர் நம்பிக்கை தெரிவித்துள்ளனர்.

முதல்முதலாக விஜய்சேதுபதிக்கு ஜோடியாக சமந்தா நடித்துள்ள இந்த படத்தில் ரம்யாகிருஷ்ணன், பகத்பாசில் உள்ளிட்டோர் முக்கிய கேரக்டர்களில் நடித்துள்ளனர். யுவன்ஷங்கர் ராஜா இசையில், பி.எஸ்.வினோத் ஒளிப்பதிவில் உருவாகியுள்ள இந்த படத்தின் ரிலீஸ் தேதி கோலிவுட்டின் ஸ்டிரைக் முடிந்தவுடன் அறிவிக்கப்படும் என தெரிகிறது.