நடிகர் விஜய்சேதுபதி நடித்து வரும் படங்களில் ஒன்று 'சிந்துபாத்'. இந்த படம் இம்மாத இறுதியில் வெளியாகவுள்ளதாக அறிவிக்கப்பட்டுள்ள நிலையில் இந்த படத்தின் புரமோஷன் பணிகள் முழு வீச்சில் நடைபெற்று வருகிறது.

அந்த வகையில் இந்த படத்தின் வீடியோ பாடல் ஒன்று இன்று வெளியாகியுள்ளது. 'நெஞ்சே உனக்காக நான் பதுக்கி வைச்சேன் எங்கும் கொடுக்காம' என்று தொடங்கும் இந்த பாடல் யுவன்ஷங்கர் ராஜா இசையில் அமைந்துள்ளது. ஹரிச்சரண் குரலில் விவேக் எழுதியுள்ள இந்த பாடலில் விஜய்சேதுபதி, அஞ்சலி ரொமான்ஸ் காட்சிகள் அதிகம் இருந்தாலும், விஜய்சேதுபதி தனது மகன் சூர்யாவுடன் விசிலடித்து குத்தாட்டம் போடும் காட்சிகளும் உள்ளது. இந்த பாடலின் வீடியோ தற்போது இணையதளங்களில் வைரலாகி வருகிறது.

அருண்குமார் இயக்கத்தில் உருவாகியுள்ள 'சிந்துபாதி திரைப்படத்தில் விஜய்சேதுபதி, அஞ்சலி, லிங்கா, விவேக் பிரசன்னா மற்றும் விஜய்சேதுபதியின் மகன் சூர்யா உள்பட பலர் நடித்துள்ளனர். விஜய்கார்த்திக் கண்ணன் ஒளிப்பதிவில், ரூபன் படத்தொகுப்பில் உருவாகியுள்ள இந்த படத்தை கே புரடொக்சன்ஸ் நிறுவனம் தயாரித்துள்ளது.