குற்றாலத்தை அடுத்து தாய்லாந்துக்கு பறந்த விஜய்சேதுபதி-அஞ்சலி
- IndiaGlitz, [Tuesday,October 23 2018]
விஜய்சேதுபதி நடித்த 'பண்ணையாரும் பத்மினியும் மற்றும் 'சேதுபதி' ஆகிய படங்களை இயக்கிய இயக்குனர் அருண்குமார் இயக்கும் அடுத்த படத்திலும் விஜய் சேதுபதி நடித்து வருகிறார். விஜய்சேதுபதிக்கு ஜோடியாக அஞ்சலி நடித்து வரும் இந்த படத்தின் முதல்கட்ட படப்பிடிப்பு தென்காசி குற்றாலம் போன்ற இடங்களில் 30 நாட்கள் நடை பெற்று முடிவடைந்தது.
இந்த நிலையில் இந்த படத்தின் அடுத்தகட்ட படப்பிடிப்பு இன்று தாய்லாந்தில் தொடங்கியது. 40 நாட்கள் இடைவிடாமல் தாய்லாந்து மற்றும் அதை சுற்றி உள்ள இடங்களில் மிகப் பிரமாண்டமான முறையில் இந்த படம் படமாக்கப்பட உள்ளதாக படக்குழுவினர் தெரிவித்துள்ளனர்.
இந்த படத்தை S.N.ராஜராஜன், யுவன்சங்கர்ராஜா, இர்பான்மாலிக் ஆகியோர் இணைந்து தயாரிக்கின்றனர். யுவன்ஷங்கர் ராஜா இசையில் விஜய் கார்த்திக் ஒளிப்பதிவில், ரூபன் படத்தொகுப்பில் இந்த படம் உருவாகி வருகிறது.