மக்கள் செல்வன் விஜய்சேதுபதி, சூப்பர் ஸ்டார் ரஜினிகாந்த் நடிப்பில் கார்த்திக் சுப்புராஜ் இயக்கத்தில் உருவாகவுள்ள படத்தில் முக்கிய வேடத்தில் நடிக்கவுள்ளார் என்று நேற்று வெளிவந்த செய்தியை பார்த்தோம். இந்த படத்தில் ரஜினிக்கு வில்லனாக விஜய்சேதுபதி நடிக்கவுள்ளதாக கூறப்படினும் இந்த தகவலை படக்குழுவினர் இன்னும் உறுதி செய்யவில்லை

இந்த நிலையில் ரஜினியுடன் மட்டுமின்றி மேலும் இரண்டு சூப்பர் ஸ்டார்களுடன் விஜய்சேதுபதி ஏற்கனவே நடித்து வருகிறார் என்பது குறிப்பிடத்தக்கது. அவர்கள் தெலுங்கு சூப்பர் ஸ்டார் சிரஞ்சீவி மற்றும் பாலிவுட் சூப்பர் ஸ்டார் அமிதாப்பச்சன் ஆகியோர்கள். சிரஞ்சீவி மற்றும் அமிதாப்பச்சனுடன் விஜய்சேதுபதி, 'சயீரா நரசிம்ம ரெட்டி' என்ற படத்தில் நடித்து வருகிறார் என்பது குறிப்பிடத்தக்கது

இதன்மூலம் ஒரே நேரத்தில் மூன்று சூப்பர் ஸ்டார்களுடன் நடித்து வரும் நடிகர் என்ற பெருமையை விஜய்சேதுபதி பெறுகிறார் என்பது குறிப்பிடத்தக்கது.