தனுஷின் வொண்டர்பார் பிலிம்ஸ் நிறுவனத்தின் தயாரிப்பில் விஜய்சேதுபதி, நயன்தாரா நடித்த 'நானும் ரெளடிதான்' திரைப்படம் சூப்பர் ஹிட் ஆனதை அடுத்து மீண்டும் தனுஷின் நிறுவனத்திற்காக விஜய்சேதுபதி ஒரு படம் நடிக்கவுள்ளதாக கடந்த சில வாரங்களுக்கு முன்னர் செய்திகள் வெளியாகியது.

இந்நிலையில் விஜய்சேதுபதி அடுத்தடுத்து பல படங்களில் நடித்து வந்ததால் இந்த செய்தி மங்கி போய்க்கொண்டிருக்கும் நிலையில் தற்போது சமீபத்தில் தமிழ் ஊடகம் ஒன்றில் பேட்டியளித்த விஜய்சேதுபதி, மீண்டும் தனுஷ் தயாரிக்கும் ஒரு படத்தில் நடிக்க உள்ளதாகவும், அந்த படத்தின் அறிவிப்பு விரைவில் வெளியாகும் என்றும் கூறியுள்ளார்.

ஆனால் இந்த படத்தை விக்னேஷ் சிவன் இயக்குவாரா அல்லது வேறு இயக்குனர் இயக்குவாரா என்பது குறித்து விஜய்சேதுபதி எதுவும் கூறவில்லை. ஆனாலும் தனுஷ்-விஜய்சேதுபதி விரைவில் இணைவது உறுதி என்பது மட்டும் இப்போதைக்கு தெரியவந்துள்ளது.