2016-ல் விஜய்சேதுபதியின் தசாவதாரம்
- IndiaGlitz, [Saturday,March 12 2016]
கடந்த 2015ஆம் ஆண்டு ஜெயம் ரவி நான்கு படங்களில் நடித்து அந்த ஆண்டின் ஹீரோவாக புகழப்பட்டார். இந்நிலையில் இந்த ஆண்டான 2016-ல் விஜய்சேதுபதி நடித்த 10 படங்கள் வெளியாக வாய்ப்புள்ளதாக கூறப்படுகிறது.
ஏற்கனவே இந்த ஆண்டில் 'சேதுபதி' மற்றும் 'காதலும் கடந்து போகும்' ஆகிய இரண்டு படங்கள் ரிலீஸாகிவிட்டது. இந்நிலையில் இடம் பொருள் ஏவல், மெல்லிசை, இறைவி, தர்மதுரை ஆகிய நான்கு படங்களில் விஜய்சேதுபதி நடித்து முடித்துவிட்டார்.
மேலும் ஆண்டவன் கட்டளை, ரெக்க, விக்ரம் வேதா ஆகிய படங்களின் படப்பிடிப்பு அடுத்தடுத்து தொடங்கவுள்ளது. இதுமட்டுமின்றி கே.வி.ஆனந்த் இயக்கவுள்ள அடுத்த படத்திலும் விஜய்சேதுபதி நடிக்கவுள்ளதாக கூறப்படுவதால், இந்த வருடத்தில் விஜய் சேதுபதி நடித்த பத்து படங்கள் ரிலீசாகி தசாவதாரம் எடுக்க வாய்ப்பு இருப்பதாக கூறப்படுகிறது.