பொதுவெளியில் கத்தி பேசிவிட்டு பின்னர் நான் பேசவில்லை, என்னுடையா அட்மின் தான் காரணம் என்று கூறுவது டிரெண்ட் ஆகிவிட்டதாக நடிகர் விஜய்சேதுபதி இன்று நடைபெற்ற '96' படத்தின் பத்திரிகையாளர் சந்திப்பின்போது கூறினார்.

இன்று சென்னையில் நடந்த '96' திரைப்படத்தின் பத்திரிகையாளர் சந்திப்பில் விஜய்சேதுபதி, த்ரிஷா உள்பட படக்குழுவினர் அனைவரும் கலந்து கொண்டனர். இந்த சந்திப்பின்போது தன்னுடைய வீட்டில் நேற்று ரெய்டு நடந்ததா? என்பது குறித்த கேள்விக்கு பதிலளித்த விஜய்சேதுபதி, 'நான் மூன்று வருடங்களாக அட்வான்ஸ் வரி கட்டி வருகிறேன். என்னுடைய கணக்கு சரியாக இருக்கின்றதா? என்று ஆய்வு செய்ய வருமான வரித்துறையினர் வந்தனர். அது ஆய்வு தான், ரெய்டு அல்ல' என்று கூறினார்.

அதேபோல் இன்னொரு கேள்விக்கு பதிலளித்த விஜய்சேதுபதி, 'தற்போது பொதுவெளியில் சத்தமாக கத்திவிட்டு பின்னர், நான் அதை கூறவில்லை, என்னுடைய அட்மின் என்னுடைய கவனத்திற்கு வராமல் பதிவு செய்துவிட்டார்' என்று கூறுவது வாடிக்கையாகிவிட்டது என்று கூறினார்.