மக்கள் செல்வன் விஜய்சேதுபதி நடிப்பது மட்டுமின்றி பொதுமக்களுக்கு விழிப்புணர்வு தரும் நிகழ்ச்சிகளிலும் கலந்து கொண்டு வருவது தெரிந்ததே. ஒரு தனியார் தொலைக்காட்சியில் 'நம்ம ஊரு ஹீரோ' என்ற நிகழ்ச்சியில் விஜய்சேதுபதி பங்கு பெற்றதும் ஒருவகை விழிப்புணர்வுக்காகவே என்பது குறிப்பிடத்தக்கது.

இந்த நிலையில் சென்னை வேப்பேரியில் DIGICOP என்ற மொபைல் செயலியை இன்று காவல் ஆணையர் ஏ.கே.விஸ்வநாதன் அறிமுகம் செய்து வைத்துள்ளார். இந்த DIGICOP என்ற மொபைல் செயலி மூலம் திருடப்பட்ட இருசக்கர வாகனம், செல்போன் ஆகியவற்றை கண்டறிய முடியும். பொதுமக்களின் பயனுக்காக அறிமுகம் செய்யப்படும் இந்த மொபைல் செயலி அறிமுக நிகழ்ச்சியில் நடிகர் விஜய்சேதுபதி கலந்து கொண்டார்.

இந்த மொபைல் செயலி அறிமுகவிழாவில் காவல் ஆணையர் ஏ.கே.விஸ்வநாதன் மற்றும் விஜய்சேதுபதி சந்திப்பு குறித்த புகைப்படங்கள் இணையதளங்களில் வைரலாகி வருகிறது.