தமிழ் திரையுலகின் பிஸியான நடிகர் என்றால் அது விஜய் சேதுபதிதான் என்பது அனைவரும் அறிந்ததே. ஒரே நேரத்தில் ஹீரோ, வில்லன், குணச்சித்திரம், சிறப்பு தோற்றம் என பல படங்களில் நடித்து வருகிறார் .

இந்த நிலையில் தமிழ் திரையுலகின் முன்னணி இயக்குனர் மிஸ்கின் இயக்கத்தில் உருவாகி வரும் ’பிசாசு 2’ என்ற திரைப்படத்தில் முக்கிய கேரக்டரில் விஜய் சேதுபதி நடித்து உள்ளார் என்பதை ஏற்கனவே பார்த்தோம். இந்த படத்தின் படப்பிடிப்பு முடிவடைந்து தற்போது இறுதிக்கட்ட போஸ்ட் புரொடக்ஷன் பணிகள் நடைபெற்று வருகின்றன என்பதும் இந்த படத்தின் ரிலீஸ் தேதி விரைவில் அறிவிக்கப்பட உள்ளது என்பது குறிப்பிடத்தக்கது.

இந்த நிலையில் மிஷ்கின் இயக்கும் அடுத்த படத்திலும் விஜய் சேதுபதி நடிக்க உள்ளதாக தகவல்கள் வெளியாகியுள்ளன. சமீபத்தில் ’கடைசி விவசாயி’ என்ற திரைப்படத்தை பார்த்து மிஸ்கின் அவரை நேரில் பாராட்டிய போது தான்’ மிஷ்கின் இயக்கும் அடுத்த திரைப்படத்தில் விஜய் சேதுபதி நடிக்க ஒப்புக்கொண்டதாகவும், இந்த படம் குறித்த அறிவிப்பு விரைவில் வெளியாகும் என்றும் கூறப்படுகிறது.