தளபதி விஜய் நடித்து வரும் ’கோட்’ படத்தின் படப்பிடிப்பு தற்போது கேரள மாநில தலைநகர் திருவனந்தபுரத்தில் உள்ள கிரிக்கெட் மைதானத்தில் நடைபெற்று வருகிறது என்பதும் சமீபத்தில் இந்த படத்தின் படப்பிடிப்புக்காக விஜய், திருவனந்தபுரம் சென்ற போது அவரை ஏராளமான ரசிகர்கள் விமான நிலையத்தில் வரவேற்றனர் என்பதையும் பார்த்தோம்.

இந்த நிலையில் நேற்று விஜய் படப்பிடிப்பு முடிந்தவுடன் தமிழகம் மற்றும் புதுவையில் செய்தது போல் வேன் மீது ஏறி ரசிகர்களுடன் செல்பி எடுத்துக் கொண்டார், இது குறித்த வீடியோ இணையத்தில் வைரல் ஆகி வருகிறது. தமிழகத்தில் தான் விஜய்க்கு வெறித்தனமான ரசிகர்கள் இருப்பார்கள் என்றால் கேரளாவில் தமிழக ரசிகர்களை விட அதிகமான அன்பு பாசத்துடன் ஏராளமான ரசிகர்கள் இருக்கிறார்கள் என்பது இந்த நிகழ்வின் மூலம் தெரிய வந்துள்ளது.

அதுமட்டுமின்றி விஜய் வேன் மீதேறி ரசிகர்களுடன் செல்பி எடுக்கும் போது பின்னணியில் ஒரு ட்ரோன் பறந்து கொண்டிருக்கும் காட்சி தெரிய வந்ததை அடுத்து ’என்னங்கடா ட்ரோன் எல்லாம் வச்சு படம் எடுக்குறீங்க, அரசியல்வாதிக்கு கூட இவ்வளவு மரியாதையை கேரளாவில் உள்ளவர்கள் செய்ததில்லையே’ என்று ரசிகர்கள் சமூக வலைதளங்களில் பதிவு செய்து வருகின்றனர்.

இனி வரும் நாட்களிலும் திருவனந்தபுரத்தில் படப்பிடிப்பு நடக்கும் வரை தினமும் ரசிகர்களை விஜய் சந்திப்பார் என்றும் இதே போல் வீடியோக்கள் வைரலாகும் என்பதும் தெரிய வருகிறது.

இந்த நிலையில் விஜய்க்கு மட்டுமின்றி வெங்கட் பிரபு மற்றும் பிரேம்ஜி திருவனந்தபுரம் விமான நிலையத்திற்கு சென்ற போதும் அவருக்கும் விஜய் ரசிகர்கள் மிகச் சிறப்பான வரவேற்பு கொடுத்ததாகவும் அது குறித்த புகைப்படம் இணையத்தில் வைரல் ஆகி வருகிறது.

#ThalapathyVijay's selfie video with Fans at Kerala🤳
What an unimaginable craze for him🫡🔥pic.twitter.com/kSX5fVGNim

— AmuthaBharathi (@CinemaWithAB) March 19, 2024