கடந்த இரண்டு ஆண்டுகளாக அதிக படங்களில் நடித்து வெற்றி நாயகனாக வலம் வருபவர் மக்கள் செல்வன் விஜய்சேதுபதி. இவர் நடித்து வரும் படங்களில் ஒன்று ‘சயீரா நரசிம்மரெட்டி'. சிரஞ்சீவி, அமிதாப்பச்சன், நயன்தாரா, ஜெகபதி பாபு, கிச்சா சுதீப் உள்பட பலர் நடிக்கும் பிரமாண்டமான இந்த படத்தில் விஜய்சேதுபதியின் கேரக்டர் குறித்த தகவல் தற்போது கசிந்துள்ளது.

இந்த படத்தில் சிரஞ்சீவி, சயீரா நரசிம்மா ரெட்டி என்ற டைட்டில் கேரக்டரில் நடித்து வரும் நிலையில் அவருக்கு வலது கரமாக படம் முழுவதும் வலம் வரும் 'ஒப்பாயா' என்ற கேரக்டரில் விஜய்சேதுபதி நடிக்கின்றாராம். 'பாகுபலி' படத்தின் கட்டப்பா போன்று இந்த கேரக்டர் பெரிய அளவில் பேசப்படும் என்று கூறப்படுகிறது.

தமிழ், தெலுங்கு, இந்தி, மலையாளம், கன்னடம் ஆகிய மொழிகளில் உருவாகவுள்ள இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைக்கவுள்ளார். ரவிவர்மன் ஒளிப்பதிவில், பிரமாண்டமாக உருவாகவுள்ள இந்த படத்தை ராம்சரண் தேஜா தயாரிக்கின்றார். இந்த படத்தை சுரேந்தர் ரெட்டி இயக்குகிறார்.