அடுத்த சூப்பர் ஸ்டார் நீங்க தான்.. ரசிகரின் கேள்விக்கு விஜய்யின் எவர்க்ரீன் பதில்..!
- IndiaGlitz, [Wednesday,August 02 2023]
அடுத்த சூப்பர் ஸ்டார் யார் என்ற விவாதம் சமூக வலைதளங்களில் உச்சத்தில் இருக்கும் நிலையில் சூப்பர் ஸ்டார் ரஜினியே இது குறித்து சமீபத்தில் நடந்த ’ஜெயிலர்’ திரைப்படத்தின் இசை வெளியீட்டு விழாவின் போது பேசினார்.
பல ரசிகர்கள் அடுத்த சூப்பர் ஸ்டார் விஜய் தான் என்று கூறிவரும் நிலையில் இது குறித்து ரசிகர்களின் மோதல் சமூகவலைத்தளங்களில் பரபரப்பை ஏற்படுத்தி உள்ளது.
இந்த நிலையில் கடந்த சில ஆண்டுகளுக்கு முன்னர் ரசிகர் ஒருவர் ’அடுத்த சூப்பர் ஸ்டார் நீங்கள்தான்’ என்று கூறியதற்கு விஜய் கூறிய எவர்கிரீன் பதில் குறித்த வீடியோ தற்போது இணையத்தில் வைரலாகி வருகிறது.
’அடுத்த சூப்பர் ஸ்டார் நீங்கள்தான் என்று என்னை கூறினீர்கள். ஆனால் எப்போதும் சூப்பர் ஸ்டார் என்றால் அது தலைவர் ஒருவர் மட்டுமே’ என்று விஜய் அந்த ரசிகருக்கு பதிலாக கூறியுள்ளார்.
எனவே சூப்பர் ஸ்டார் பட்டம் குறித்து விஜய் தெளிவாக இருக்கும் நிலையில் ரசிகர்களும் இந்த பிரச்சனை குறித்த விவாதத்திற்கு முற்றுப்புள்ளி வைத்து விடலாம் என்பதே நடுநிலை சினிமா ரசிகர்களின் கருத்தாக உள்ளது.