இளையதளபதி விஜய் நடித்த 'தெறி' திரைப்படம் நேற்று பிரமாண்டமாக உலகம் முழுவதும் வெளியாகி பாசிட்டிவ் ரிசல்ட்டை பெற்றுள்ள நிலையில் இந்த படத்தின் வசூல் பல சாதனைகளை தகர்த்தெறியும் என எதிர்பார்க்கப்படுகிறது.

இதன் ஆரம்பமாக முதல் நாளில் சென்னையில் அதிக வசூல் செய்த படம் என்ற சாதனையையும், முதல் நாளில் ரூ.1 கோடிக்கும் மேல் வசூல் செய்த முதல் படம் என்ற சாதனையையும் நிகழ்த்தியுள்ளது.

சென்னையில் 'தெறி' திரைப்படம் நேற்றைய முதல் நாளில் 20 திரையரங்க வளாகங்களில் 272 காட்சிகள் ஓடியது. முதல் நாளின் மொத்த வசூல் ரூ.1,04,98,350 என்பது குறிப்பிடத்தக்கது. இதுவரை எந்த தமிழ்ப்படமும் சென்னையில் முதல் நாளில் ரூ.1 கோடி வசூலை பெற்றது இல்லை. ஷங்கரின் பிரமாண்டமான படமான 'ஐ' திரைப்படம் சென்னையில் முதல் நாளில் ரூ.84 லட்சம் வசூல் செய்ததே இதுவரை அதிகப்படியான வசூல் தொகையாக இருந்தது.

மேலும் கோடை விடுமுறை, போட்டிக்கு வேறு எந்த படங்களும் இல்லாத நிலை, பாசிட்டிவ் விமர்சனங்கள், வார இறுதி ஆகிய காரணங்களால் 'தெறி' திரைப்படம் இன்னும் பல சாதனைகளை நிகழ்த்தும் என எதிர்பார்க்கப்படுகிறது.