வெங்கட் பிரபு படத்தில் நடிக்கும் விஜய்க்கு சம்பளம் இத்தனை கோடியா? தென்னிந்தியாவில் முதலிடம்..!
- IndiaGlitz, [Wednesday,May 17 2023]
தளபதி விஜய் நடிக்க இருக்கும் அடுத்த திரைப்படத்தை வெங்கட் பிரபு இயக்க இருக்க இருப்பதாகவும், இந்த படத்தை ஏஜிஎஸ் நிறுவனம் தயாரிக்க இருப்பதாகவும் கூறப்படுகிறது. இந்த கூட்டணி உறுதி செய்யப்பட்டால் இந்த படத்திற்கு யுவன் சங்கர் ராஜா இசையமைக்க அதிக வாய்ப்பு இருப்பதாக கூறப்படுகிறது .
இந்த நிலையில் விஜய் இதுவரை 100 கோடி, 125 கோடி என சம்பளம் வாங்கிக் கொண்டிருந்த நிலையில் வெங்கட் பிரபு இயக்கத்தில் உருவாகும் திரைப்படத்தில் நடிக்க 150 கோடி சம்பளம் பெற இருப்பதாக கூறப்படுகிறது. இந்த தகவல் உறுதி செய்யப்பட்டால் தென்னிந்தியாவில் ஒரு நடிகர் வாங்கும் மிகப்பெரிய சம்பளம் இதுதான் என்பது குறிப்பிடத்தக்கது.
விஜய்யின் படங்கள் பூஜை போட்ட அன்று வியாபாரம் தொடங்கி விடுகிறது என்பதும் அவரது படங்களின் சாட்டிலைட் மற்றும் டிஜிட்டல் ரைட்ஸ்களில் வரும் தொகை மட்டுமே அவரது சம்பளத்தை விட அதிகமாக வருமானம் கிடைக்கும் என்பது குறிப்பிடத்தக்கது.
விஜய் படத்திற்கு தமிழகத்தில் மட்டுமின்றி கேரளா, கர்நாடகா, ஆந்திரா போன்ற மாநிலங்களிலும் வட மாநிலங்களிலும் நல்ல வரவேற்பு உள்ளது. அதேபோல் உலகம் முழுவதும் அவரது படங்கள் மிகப்பெரிய வசூலை பெற்று வருகிறது. எனவே தான் அவரது சம்பளம் ஒவ்வொரு படத்திற்கும் அதிகமாகி வருவதாக திரையுலக வட்டாரங்கள் கூறுகின்றன.