இளையதளபதி விஜய் நடித்த ஒவ்வொரு திரைப்படமும் வெளிவரும்போது அவரது ரசிகர்களிடம் மிகப்பெரிய எதிர்பார்ப்பு இருக்கும். ஆனால் 'புலி' படத்திகு விஜய் ரசிகர்களிடம் இருந்து மட்டுமின்றி அனைத்து தரப்பினர்களிடம் இருந்தும் குறிப்பாக குழந்தைகளிடத்தில் பெரும் எதிர்பார்ப்பு ஏற்பட்டுள்ளது.

இந்த எதிர்பார்ப்புகளை பூர்த்தி செய்யும் வண்ணம் வரும் அக்டோபர் மாதம் 1ஆம் தேதி உலகம் முழுவதும் 'புலி' பிரமாண்டமாக ரிலீஸ் ஆகவுள்ளது. இந்நிலையில் சமீபத்தில் சென்சாருக்கு சென்று 'யூ' சர்டிபிகேட் பெற்ற 'புலி' திரைப்படம் 154 நிமிடங்கள் ஓடுவதாக தகவல்கள் வெளிவந்துள்ளது. அதாவது 'புலி'யின் ரன்னிங் டைம் 2 மணி நேரம் 34 நிமிடங்கள் ஆகும்.

இந்நிலையில் 'புலி' திரைப்படத்தின் முன்பதிவு இன்று காலை முதல் பெருவாரியான தியேட்டர்களில் தொடங்கப்பட்டு ஒருசில நிமிடங்களில் டிக்கெட்டுக்கள் அனைத்தும் விற்பனையாகியுள்ளது. இன்னும் ஒருசில தியேட்டர்களில் நாளை முன்பதிவு தொடங்கும் என எதிர்பார்க்கப்படுகிறது.