இளையதளபதி விஜய் நடிப்பில் சிம்புதேவன் இயக்கிய 'புலி' படத்தின் அனைத்து ஏரியாவின் உரிமைகளும் விற்பனையாகி கிட்டத்தட்ட தமிழகம் முழுவதும் ரீலீஸாகும் தியேட்டர்களும் உறுதி செய்யப்பட்டு நேற்று முதல் முன்பதிவும் தொடங்கிவிட்டது. இந்நிலையில் 'புலி' திரைப்படம் தமிழகத்தில் ஒவ்வொரு ஏரியாவிலும் என்ன விலைக்கு விற்பனை ஆகியுள்ளது என்பது குறித்த தகவல்கள் தற்போது வெளிவந்துள்ளது.

'புலி' திரைப்படத்தின் சென்னை சிட்டி உரிமை ரூ.7.15 கோடி, செங்கல்பட்டு 8 கோடி, திருச்சி 4.50 கோடி, சேலம் 3.5 கோடி, மதுரை 6 கோடி, திருநெல்வேலி, கன்னியாகுமரி 3,25 கோடி, NSC ஏரியா 6 கோடி என தமிழகத்தின் உரிமை மட்டுமே சுமார் ரூ.40 கோடிக்கு விலை போயுள்ளதாக கூறப்படுகிறது. இதுபோக வெளிநாட்டு உரிமை, சாட்டிலைட், தெலுங்கு-இந்தி உள்பட பிறமொழி உரிமை என 'புலி'யின் மொத்த வியாபாரம் சுமார் 100 கோடியை தாண்டிவிட்டதாக தகவல்கள் வெளிவந்துள்ளது.

இந்த படத்தின் பட்ஜெட்டே ரூ.100 கோடிக்கும் அதிகம் என்பதால் 'புலி' ரிலீஸ் உரிமை அதிக விலைக்கு விற்கப்பட்டு வருவதாக கூறப்படுகிறது.