இளையதளபதி விஜய் நடித்த 'புலி' படத்திற்கு ஒருசில ஊடகங்கள் நெகட்டிவ் விமர்சனங்களை கொடுத்த போதிலும், இந்த படத்திற்கு குழந்தைகள் மற்றும் குடும்ப ஆடியன்ஸ்கள் தொடர்ந்து வந்து கொண்டிருந்ததாக கூறப்பட்டது. மேலும் ஒருசில பள்ளி நிர்வாகிகளே தங்கள் பள்ளியில் படிக்கும் மாணவ, மாணவியர்களை மொத்தமாக 'புலி' படத்தை பார்க்க அழைத்து வந்திருந்தனர் என்பது குறிப்பிடத்தக்கது.

இருப்பினும் 'புலி' படத்தின் வசூல் மிகவும் குறைவானதே என்று வதந்திகள் கிளம்பியவாறு இருந்தது. இந்நிலையில் இந்த படத்தின் தயாரிப்பு நிறுவனமான SKT Studios நிறுவனம் இந்த படத்தின் வசூல் குறித்து முதன்முதலாக தனது சமூக வலைத்தள பக்கத்தில் அதிகாரபூர்வமாக தெரிவித்துள்ளது.

உலகம் முழுவதும்'புலி' திரைப்படத்தின் முதல்வார வசூல் ரூ.71 கோடி என SKT Studios நிறுவனம் அறிவித்துள்ளது. இரண்டாவது வார வசூல் குறித்த விவரங்கள் விரைவில் வெளியாகும் என எதிர்பார்க்கப்படுகிறது. இந்த தகவலுக்கு பிறகாவது 'புலி' படத்தின் வசூல் குறித்த வதந்தி சமூக வலைத்தளங்களில் பரவுவது நிற்குமா? என்பதை பொறுத்திருந்துதான் பார்க்க வேண்டும்.