அமெரிக்கா, கனடாவில் 'புலி' செய்த புதிய சாதனை
- IndiaGlitz, [Friday,September 25 2015]
இளையதளபதி விஜய் நடித்த 'புலி' திரைப்படம் ரிலீஸ் ஆவதற்கு முன்பே பல்வேறு சாதனைகளை உடைத்து வருகிறது. இந்த திரைப்படம் பிரிட்டனில் 'ஐ' படத்தை விட அதிகளவிலான தியேட்டரில் ரிலீஸ் ஆகவுள்ளதை ஏற்கனவே பார்த்தோம். இந்நிலையில் அமெரிக்கா மற்றும் கனடாவிலும் இந்த படம் புதிய சாதனையை செய்யவுள்ளதாக கூறப்படுகிறது.
ஷங்கரின் பிரமாண்ட திரைப்படமான 'ஐ' திரைப்படம் அமெரிக்காவில் 157 திரையரங்குகளில் ரிலீஸ் ஆனது. விஜய்யின் 'புலி' படத்தின் தமிழ் பதிப்புற்கு மட்டும் அமெரிகாவில் தற்போது 110க்கும் அதிகமான திரையரங்குகள் புக் ஆகியுள்ளது. 'புலி'யின் தெலுங்கு மற்றும் இந்தி பதிப்புகள் வெளியாகும் தியேட்டர்களின் எண்ணிக்கையை சேர்த்தால் 160க்கும் அதிகமான தியேட்டர்களில் 'புலி' ரிலீசாகும் என கூறப்படுகிறது.
மேலும் கனடாவில், இதுவரை வெளியான தமிழ்ப்படங்களில் அதிகளவிலான தியேட்டர்களில் வெளியான படம் சூப்பர் ஸ்டார் ரஜினியின் கோச்சடையான். இந்த படம் கனடாவில் 16 திரையரங்குகளில் வெளியானது. ஆனால் விஜய்யின் 'புலி'க்கு இதுவரை 18 திரையரங்குகள் புக் ஆகியுள்ளது. இந்த எண்ணிக்கை இன்னும் ஓரிரு நாளில் அதிகரிக்கும் வாய்ப்பு உள்ளது.
உலக அளவில் 'புலி' திரைப்படம் இப்போதே பல சாதனைகளை செய்து வரும் நிலையில் ரிலீஸுக்கு பின்னர் என்னென்ன சாதனைகளை செய்யப்போகிறது என்பதை பொறுத்திருந்து பார்ப்போம்.