சிவாஜி கணேசன் வீட்டில் விஜய்
- IndiaGlitz, [Thursday,September 24 2015]
இளையதளபதி விஜய் நடித்த 'புலி' திரைப்படத்தின் இரண்டாவது டிரைலர் ஒருபக்கம் ரசிகர்களின் மாபெரும் வரவேற்பை பெற்றுள்ள நிலையில் மறுபக்கம் விஜய் 59" படத்தின் படப்பிடிப்பு விறுவிறுப்பாக நடைபெற்று வருகிறது.
இந்த படத்தில் போலீஸ் கமிஷனராக நடித்து வரும் விஜய், தற்போது சென்னை தி.நகரில் உள்ள நடிகர் திலகம் சிவாஜிகணேசன் அவர்களின் 'அன்னை இல்லத்தில் நடைபெற்று வரும் படப்பிடிப்பில் கலந்து கொண்டுள்ளார்.
போலீஸ் கமிஷனரான விஜய்யும், அரசியல்வாதி கேரக்டரில் நடிக்கும் ஒருவரும் அன்னை இல்லத்தில் நடந்த படப்பிடிப்பில் கலந்து கொண்டுள்ளதாக கூறப்படுகிறது. அன்னை இல்லத்தின் முன் போலீஸ் ஜீப்கள் வரிசையாக நிற்கப்பட்டுள்ளதையும் பார்க்க முடிகிறது. 'அன்னை இல்லத்தில் இன்னும் மூன்று அல்லது நான்கு நாட்கள் படப்பிடிப்பு நடைபெறும் என கூறப்படுகிறது.
நடிகர் திலகம் சிவாஜி கணேசனுடன், 'ஒன்ஸ்மோர்' என்ற படத்தில் விஜய் நடித்துள்ளார் என்பது இங்கே குறிப்பிடத்தக்கது.