'விஜய் 60' படத்தில் விஜய்யின் கேரக்டர் என்ன தெரியுமா?
- IndiaGlitz, [Tuesday,August 30 2016]
இளையதளபதி விஜய் நடித்து வரும் 60வது படத்தின் படப்பிடிப்பு பல கட்டங்களாக உள்நாட்டிலும் வெளிநாட்டிலும் விறுவிறுப்பாக நடந்து வருகிறது.
இருப்பினும் இந்த படத்தின் ஸ்டில்கள் இதுவரை ஆன்லைனில் கசியாததால், விஜய் இந்த படத்தில் என்ன கேரக்டரில் நடித்து வருகிறார் என்பது தெரியாமலே இருந்தது.
இந்நிலையில் படக்குழுவினர்களுக்கு நெருக்கமானவர்களிடம் இருந்து கசிந்துள்ள தகவலின்படி விஜய் இந்த படத்தில் மருத்துவக் கல்லூரி மாணவராக நடித்து வருவதாக கூறப்படுகிறது. மேலும் இந்த படத்தில் அவர் நெல்லை தமிழையும் முதன்முதலாக பேசவுள்ளார்.
ஏற்கனவே இந்த படத்தில் விஜய்க்கு ஜோடியாக நடித்து வரும் கீர்த்திசுரேஷும் கல்லூரி மாணவியாக நடிப்பதாக செய்தி வெளிவந்தது.
விஜய், கீர்த்தி சுரேஷ், சதீஷ், ஜெகபதிபாபு, டேனியல் பாலாஜி, சுதன்ஷி பாண்டே, பாப்ரிகோஷ் உள்ளிட்ட பலர் நடித்து வரும் இந்த படத்திற்கு சந்தோஷ் நாராயணன் இசையமைத்து வருகிறார். இந்த படத்தை விஜயா புரடொக்ஷன்ஸ் நிறுவனம் பிரமாண்டமாக தயாரித்து வருகின்றனர். இந்த படத்தின் டைட்டில் மிக விரைவில் அறிவிக்கப்படவுள்ளதாக செய்திகள் வந்துள்ளது.