அம்பேத்கர் புத்தகத்தை வெளியிடும் தவெக தலைவர் விஜய்.. முக்கிய பிரமுகர் மிஸ்ஸிங்..!
- IndiaGlitz, [Saturday,November 30 2024]
அம்பேத்கர் புத்தக வெளியீட்டு விழாவில் விஜய் கலந்து கொள்வது உறுதி செய்யப்பட்டுள்ள நிலையில், இந்த விழாவில் முக்கிய பிரமுகர் கலந்து கொள்ளவில்லை என அழைப்பிதழில் இருந்து தெரியவந்துள்ளது.
விகடன் பிரசுரம் வெளியிடும் எல்லாருக்குமான அம்பேத்கர் என்ற புத்தக வெளியீட்டு விழா டிசம்பர் 6ஆம் தேதி சென்னையில் நடைபெற உள்ளது. இந்த விழாவில் தமிழக வெற்றி கழகத்தின் தலைவர் விஜய், விடுதலை சிறுத்தைகள் கட்சியின் பொதுச் செயலாளர் திருமாவளவன் உள்ளிட்டவர்கள் கலந்து கொள்வார்கள் என்று கூறப்பட்டது.
ஆனால், தற்போது விடுதலை சிறுத்தைகள் கட்சியின் பொதுச் செயலாளர் திருமாவளவன் இந்த விழாவில் கலந்து கொள்ளவில்லை என்பது இந்த விழாவின் பத்திரிகைகளில் இருந்து தெரிய வருகிறது. எல்லாருக்குமான தலைவர் அம்பேத்கர் என்ற புத்தகத்தை தமிழக வெற்றி கழகத்தின் தலைவர் விஜய் வெளியிட்டு சிறப்பு உரையாற்ற இருப்பதாக அறிவிக்கப்பட்டுள்ளது.
மேலும், முன்னாள் உயர்நீதிமன்ற நீதிபதி சந்துரு, அம்பேத்கரின் பேரன் ஆனந்த் உள்ளிட்ட சிலர் இந்த விழாவில் கலந்து கொள்ள இருக்கிறார்கள் என்றும் கூறப்படுகிறது. இருப்பினும், திருமாவளவன் இந்த விழாவில் கலந்து கொள்ளாதது தமிழக அரசியல் வட்டாரத்தில் பரபரப்பை ஏற்படுத்தி உள்ளது.