விக்ரம் நடித்த ’கோப்ரா’ மற்றும் ’பொன்னியின் செல்வன்’ ஆகிய இரண்டு திரைப்படங்கள் இந்த ஆண்டு வெளியாகி நல்ல வரவேற்பை பெற்றுள்ள நிலையில் அவருடைய அடுத்த படத்தின் படப்பிடிப்பு நாளை முதல் தொடங்க உள்ளதாக தகவல் வெளியாகியுள்ளது.

இயக்குனர் பா ரஞ்சித் இயக்கத்தில் உருவாகும் இந்த படத்தின் படப்பிடிப்பு ஆந்திர மாநிலத்தில் உள்ள கடப்பாவில் நாளை முதல் தொடங்க இருப்பதாகவும் ஒரு வாரம் படப்பிடிப்பு நடத்திவிட்டு அதன் பின்னர் படக்குழுவினர் தீபாவளி கொண்டாட சென்னை திரும்ப உள்ளதாகவும் தகவல்கள் வெளியாகி உள்ளன.

மேலும் இந்த படத்தில் விக்ரம் ஜோடியாக ராஷ்மிகா மந்தனா நடிக்க இருப்பதாக கூறப்பட்ட நிலையில் தற்போது மாளவிகா மோகனன் நடிக்க இருப்பதாகவும் அவருடன் பேச்சு இறுதிகட்ட பேச்சுவார்த்தை நடைபெற்று வருவதாகவும் கூறப்படுகிறது. நடிகை மாளவிகா மோகனன் ஏற்கனவே விஜய் நடித்த ’மாஸ்டர்’ மற்றும் தனுஷ் நடித்த ‘மாறன்’ ஆகிய படங்களில் நடித்துள்ளார் என்பது தெரிந்ததே.

இந்த படத்தின் டைட்டிலுடன் கூடிய பர்ஸ்ட் லுக் போஸ்டர் வரும் தீபாவளி அன்று வெளியாக வாய்ப்பு இருப்பதாக கூறப்படுகிறது. அதுமட்டுமின்றி இந்த படம் பெரிய பட்ஜெட்டில் 3டி டெக்னாலஜியில் உருவாக்கப்படவிருப்பதால் பெரும் எதிர்பார்ப்பை ஏற்படுத்தியுள்ளது.