தளபதி விஜய் நடித்த 'மெர்சல்' திரைப்படத்தின் டைட்டில் பிரச்சனை நேற்று நீதிமன்றத்தின் மூலம் முடிந்தது மட்டுமின்றி நேற்றே இந்த படம் சென்சார் செய்யப்பட்டது என்பதும் இந்த படத்திற்கு சென்சார் அதிகாரிகள் 'யூஏ' சான்றிதழ் அளித்துள்ளனர் என்பதும் தெரிந்ததே

இந்த நிலையில் கடந்த எட்டு வருடங்களாக விஜய் நடித்த 11 திரைப்படங்களுக்கும் 'யூ' சான்றிதழ்களே கிடைத்துள்ள நிலையில் நீண்ட இடைவெளிக்கு பின்னர் விஜய் நடித்த படம் ஒன்றுக்கு 'யூஏ' சான்றிதழ் கிடைத்துள்ளது என்பது குறிப்பிடத்தக்கது. கடைசியாக கடந்த 2009ஆம் ஆண்டு வெளியான 'வேட்டைக்காரன்' படத்திற்குத்தான் 'யூஏ' சான்றிதழ் கிடைத்தது என்பது குறிப்பிடத்தக்கது. அதன் பின்னர் வெளியான 'சுறா, காவலன், வேலாயுதம், நண்பன், துப்பாக்கி, தலைவா, ஜில்லா, கத்தி, புலி, தெறி மற்றும் பைரவா ஆகிய 11 திரைப்படங்கள் தொடர்ச்சியாக 'யூ' சான்றிதழ் பெற்ற படங்கள் என்பது குறிப்பிடத்தக்கது

கடந்த ஜூலை மாதம் ஜிஎஸ்டி வரி அமல்படுத்தப்பட்டதில் இருந்து தமிழக அரசின் வரிவிலக்கு நிறுத்தப்பட்டுள்ளதால் திரைப்படங்களுக்கு ''யூஏ' சான்றிதழ் பெற்றபோதிலும் எந்த பிரச்சனையும் இல்லை என்பது குறிப்பிடத்தக்கது.