16 வருடங்களுக்கு பின் விஜய் இயக்குனரின் அடுத்த படம்
- IndiaGlitz, [Sunday,December 17 2017]
கடந்த 2001ஆம் ஆண்டு விஜய், ரிச்சா பாலோட், விவேக் உள்பட பலர் நடித்த வெற்றித்திரைப்படம் 'ஷாஜஹான்' இந்த படத்தை இயக்கிய இயக்குனர் ரவி அப்புலு, 16 ஆண்டுகளுக்கு பின்னர் தற்போது தனது அடுத்த படத்தை இயக்கி வருகிறார்
'செயல்' என்ற டைட்டில் வைக்கப்பட்டிருக்கும் இந்த படம் வடசென்னை கதைக்களத்தை கொண்டது. இந்த படத்தின் தயாரிப்பாளரின் மகன் ராஜன் ஹீரோவாகவும், கேரளாவை சேர்ந்த புதுமுகம் தேஜேஷ்வர் ஹீரோயினியாகவும் நடித்து வருகின்றனர். மேலும் சந்திரா என்பவர் இந்த படத்தில் வில்லனாகவும் அறிமுகமாகிறது. மேலும் முனிஷ்காந்த், ஆடுகளம் ஜெயபாலன் ஆகியோர்களும் இந்த படத்தில் முக்கிய கேரக்டர்களில் நடித்து வருகின்றனர்.
வடசென்னையை சேர்ந்த தாதா ஒருவரை பொதுமக்கள் முன்னிலையில் ஹீரோ அடித்துவிடுகிறார். இதனால் அவமானம் அடைந்த அந்த தாதா, ஹீரோவை பழிவாங்க முயற்சிப்பதும், அதில் இருந்து ஹீரோ எப்படி தப்பிக்கின்றார் என்பதும் தான் இந்த படத்தின் கதை. 16 வருடங்களுக்கு பின்னர் நல்ல கதையுடன் களமிறங்கியிருப்பதாகவும், இந்த படம் நிச்சயம் அனைவரையும் கவரும் என்றும் இயக்குனர் ரவி அப்புலு நம்பிக்கையுடன் கூறியுள்ளார்.