’மாயாண்டி குடும்பத்தார்’ என்ற திரைப்படம் கடந்த 2009 ஆம் ஆண்டு வெளியாகி மிகப்பெரிய வரவேற்பை பெற்ற நிலையில் தற்போது 15 ஆண்டுகள் கழித்து இந்த படத்தின் இரண்டாம் பாகத்தை இயக்க விஜய் படத்தை இயக்கிய இயக்குனர் திட்டமிட்டுள்ளதாக தகவல் வெளியாகி உள்ளது

ராசு மதுரவன் இயக்கத்தில் உருவான ’மாயாண்டி குடும்பத்தார்’ திரைப்படம் அண்ணன் தம்பி உறவை மிகவும் அபாரமாக வெளிப்படுத்தி இருந்தது என்பதும் ஒவ்வொரு குடும்பத்திலும் நடக்கும் கதை என்பதால் இந்த படம் ரசிகர்களோடு கனெக்ட் ஆனது என்பது குறிப்பிடத்தக்கது.

இந்த நிலையில் இந்த படத்தை இயக்கிய ராசு மதுரவன் கடந்த 2013 ஆம் ஆண்டு காலமாகி விட்ட நிலையில் இந்த படத்தின் இரண்டாம் பாகம் என்பது கேள்விக்குறியானது. ஆனால் இந்த படத்தில் ஒரு முக்கிய கேரக்டரில் நடித்த கே.பி ஜெகன் இரண்டாம் பாகத்தை இயக்க திட்டமிட்டுள்ளார். இவர் ஏற்கனவே விஜய் நடித்த ’புதிய கீதை’ உட்பட சில படங்களை இயக்கி உள்ளார் என்பது குறிப்பிடத்தக்கது.

இந்த படத்தின் தனி சிறப்பு என்பது இந்த படத்தில் நடித்த பெரும்பாலானோர் இயக்குனர்கள் என்பது குறிப்பிடத்தக்கது. மணிவண்ணன், சீமான், கே பி ஜெகநாத், தருண் கோபி, ஜி எம் குமார், ரவிமரியா, நந்தா பெரியசாமி, சிங்கம்புலி, ராஜ்கபூர் உள்ளிட்டோர் இயக்குனர்கள் என்பதும், ஒரே படத்தில் இத்தனை இயக்குனர்கள் நடித்திருப்பது என்பது ஒரு ஆச்சரியமான விஷயமாக கருதப்பட்டது.

இந்த நிலையில் இந்த படத்தில் நடித்த மணிவண்ணன் மட்டும் காலமான நிலையில் அவரது கேரக்டர் தவிர மீதமுள்ள அனைத்து நடிகர்களும் இரண்டாம் பாகத்தில் நடிப்பார்கள் என்று எதிர்பார்க்கப்படுகிறது. இந்த படம் குறித்த அதிகாரப்பூர்வ அறிவிப்பு விரைவில் வெளியாகும் என்றும் விரைவில் படப்பிடிப்பு தொடங்கும் என்றும் கூறப்படுகிறது.